Studentët i ndërprejnë fjalimin Marjan Demës, Policia u hedh gaz lotsjellës

11:47 | 15 Shkurt 2017
Arbresh.info

Lëvizja Studentore për Barazi “Studim, Kritikë, Veprim” ka penguar sot fjalimin e rektorit të UP-së, Marjan Dema në ceremoninë e 47 vjetorit të themelimit të UP-së.

Policia ka reaguar me këtë rast duke i nxjerrë ata jashtë, shkruan arbresh.info.

Si kundërpërgjigje, studentët, pjesë e kësaj lëvizjeje, kanë shkuar përpara Rektoratit të UP-së duke protestuar për këtë veprim.

Në këtë rast ka ndërhyrë sërish Policia e Kosovës e cila madje ka përdorur edhe gaz lotsjellës për të zmbrapsur studentët e revoltuar.

Duke folur para mediave, përfaqësues të kësaj lëvizjeje kanë thënë se Policia ka arrestuar 9 aktivistë të saj dhe po ashtu kanë mbetur të lënduar 8-9 prej aktivistëve që kanë protestuar.

Në vendin e ngjarjes shihen edhe autoambulanca të cilat kanë ardhur për të ndihmuar studentët e lënduar./Arbresh.info.

16804648_1408835065795772_501276720_o 16735423_1408835085795770_1953582584_o 16776025_1408835075795771_2054389973_o 16777075_1408835082462437_1568290888_o